Samþykkt: Lagabreyting: Tímamörk aðalfundar

Lagabreytingartillaga.

5. kafli um aðalfund:

> Gr. 1: Í stað orðsins "maí" í gr. 5.1 skal koma orðið "desember"

> Gr. 2: Gr. 5.7 fellur niður. Í hennar stað koma eftirfarandi greinar:

> - "Gr. 5.7.a. Starfsár stjórnar er frá aðalfundi til aðalfundar. Á aðalfundi skal fráfarandi stjórn gera upp árangur liðins starfsárs. Stjórn Pírata í Hafnarfirði skal skila gögnum aðalfundar; fundargerð, ársskýrslu og bókhaldsgögnum, til framkvæmdaráðs Pírata innan mánaðar frá því að fundurinn var haldinn."

> - "Gr. 5.7.b. Rekstrarár Pírata í Hafnarfirði er frá 1. janúar til 31. desember. Stjórn Pírata í Hafnarfirði skal gera upp ársreikning hvers reikningsár eigi síðar en í apríl og skila uppgjöri til framkvæmdaráðs innan mánaðar. Stjórn gætir þess að framkvæmdaráði Pírata hafi borist öll nauðsynleg gögn um starfsemi félagsins skv. grein 10.3 í lögum þessum fyrir lok júnímánaðar ár hvert."

> - "Gr. 5.7.c. Til bráðabirgða: Á árinu 2017 skal stjórn Pírata í Hafnarfirði gera upp ársreikning 2016 svo fljótt sem verða má og skila uppgjöri ásamt öðrum nauðsynlegum gögnum um starfsemi félagsins skv. grein 10.3 í lögum þessum til framkvæmdaráðs fyrir lok júnímánaðar 2017. Að því loknu fellur grein þessi úr lögunum."

Tillaga þessi hefur verið samþykkt með atkvæðagreiðslu.
Tilheyrandi mál:Lagabreyting PíH: Tímamörk aðalfundar

Útgáfur

# Staða Höfundur Lýsing
1 Samþykkt Bergthor

Athugasemdir:

Í núverandi lögum félagsins er krafa um að aðalfundur félagsins sé haldinn ár hvert fyrir lok maí. Þessi þröngu tímamörk setja óeðlilega pressu á stjórn félagsins, sérstaklega á kosningaári. Hér er því lagt til að tímamörkin fyrir aðalfund sé einfaldlega almanaksárið.

Athugasemdir við einstaka greinar tillögunnar:

Gr. 1:
    Hér eru tímamörk aðalfundar skilgreind sem almanaksárið. Eftir stendur að til að félagið teljist starfshæft, skv. gr. 6.1 mega ekki líða meira en 18 mánuðir á milli aðalfunda. 

Gr. 2:
    Þær nýju greinar sem hér eru lagðar til tryggja að félagið uppfylli skilyrði í lögum Pírata (landsfélagsins) um gagnaskil aðildarfélaga til að teljast sem virkt aðildarfélag Pírata. Sérstaklega ef kemur til þess að aðalfundur félagsins sé haldinn eftir að aðalfundi Pírata lýkur. Skili aðildarfélag ekki nauðsynlegum gögnum fyrir lok júní ár hvert telst félagið óvirkt og er aðalfundi Pírata þá heimilt að slíta félaginu.