Tillaga: Íþrótta- og tómstundamál

Með tilliti til:

• Menntastefnu Pírata ( https://x.piratar.is/issue/73/ )

álykta Píratar í Reykjavík að:

1. Laugardalur og Elliðaárdalur verði verndaðir sem útivistar- og íþróttasvæði.

2. Aðgangur barna og unglinga að samskiptum við dýr innan borgarmarka verði efldur. Kannaðar verði leiðir til að gera börnum kleift að umgangast hesta og leggja stund á útreiðar.

3. Stuðlað verði að fjölbreyttari möguleikum til útivistar og leitað til borgarbúa um hugmyndir í því samhengi. Til dæmis mætti auka aðgang að skemmtilegum klifurtækjum og klifursporti, styðja við bretta-, skauta og aðrar jaðaríþróttir, bjóða víðar aðgang að ræktun matjurta og blóma, og margt fleira. Leita skal leiða til draga úr hljóðmengun á útivistarsvæðum.

4. Haldið verði áfram að tryggja aðgengi barna og unglinga að frístundaiðkun með því að framfærslutengja frístundakortið. Skoðaður verði sá möguleiki að frístundakortið verði gefið út á öll börn á leik- og grunnskólaaldri og verði hægt að nota til niðurgreiðslu á öllum frístundum, þ.m.t. tónlistarkennslu, íþróttaiðkun, listnámi og fleiru.

5. Að borgin myndi sér stefnu um ráðningar fagfólks í auknum mæli til starfa í íþrótta- og frístundastarfi, bæði til umsjónar og annarra starfa.