Samþykkt: Frjáls og opinn hugbúnaður í stjórnsýslunni

Með tilliti til:

• Aðgerðaáætlunar fyrir innleiðingu frjáls og opins hugbúnaðar hjá opinberum aðilum ( http://www.forsaetisraduneyti.is/media/utvefur/adgerdaaaetlun_fyrir_innleidingu_frjals_og_opins_hugbunadar_lokaskil.pdf )
• Greinar §4.4 í grunnstefnu Pírata um upplýsingar á opnum gagnasniðum

álykta Píratar í Reykjavík að:

1. Áhersla skuli lögð á að nýta frjálsan og opinn hugbúnað á öllum stigum stjórnsýslu og þjónustu sveitarfélagsins þar sem því verður komið við.

2. Efla skuli fræðslu um þá valkosti sem bjóðast í hugbúnaðargeiranum.

Greinargerð:

Við teljum að með því að efla notkun á frjálsum og opnum hugbúnaði megi auka gagnsæi, auka skilvirkni í stjórnsýslunni og draga úr kostnaði við hugbúnað hjá sveitarfélaginu öllu.