Tillaga: Dýravelferð

Dýravelferð

Með tilliti til:
Greinar §1 í grunnstefnu Pírata um gagnrýna hugsun og upplýsta stefnu
Greinar §3 í grunnstefnu Pírata um friðhelgi einkalífisins
Greinar §4 í grunnstefnu Pírata um gagnsæi og ábyrgð
Og með hliðsjón að:
Stefnu Reykjavíkurborgar um líffræðilegan fjölbreytileika (https://reykjavik.is/sites/default/files/liffraedilegfjolbreytnistefnareykjavikur.pdf)
álykta Píratar í Reykjavík að:

1. Hundasvæði/gerði
   a) Hundasvæði/gerði þurfa að uppfylla lágmarksstærð og öryggiskröfur. Þeim verði fjölgað og markvisst hugað að viðhaldi.
   b) Hundagerði skulu vera vönduð og innihalda leiktæki og aðra afþreyingu.
   c) Í skipulagi á hverfum skuli gera ráð fyrir hundasvæðum/gerðum - huga þarf að lýsingu og aðbúnaði fyrir hundaeigendur til að ganga vel um svæðið sjálfur.

2. Stefnt skuli að því að bæta líf og velferð útigangs- og villikatta í Reykjavík í samstarfi við félagasamtök sem þessu sinna nú. Búsvæði útigangskatta verði kortlögð og aðbúnaður katta innan borgarmarka bættur og reynt að stemma stigu við fjölgun þeirra með aðferð TNR (trap, neuter. release).

3. Dýraathvarf verði opnað fyrir týnd og villt dýr með sólarhringsvakt. Í samráði við félagasamtök sem taka að sér þessi dýr eins og staðan er núna.

4. Meindýravarnir endurskoðaðar (sjá meðfylgjandi árskýrslu frá Meindýraeyði)

a) Veiði á ref verði hætt - skoða með tilliti til gildandi stefnu um líffræðilegan fjölbreytileika.
b) Minnka veiði á mávum og öðrum fuglum sem eru skotnir með tilliti til stefnu um líffræðilegan fjölbreytileika.
c) Ráðist verði í átaksverkefni varðandi kanínur í borginni þar sem íbúar eru hvattir til þess að sleppa ekki kanínum lausum. Ekki verði heimilt að veiða kanínu - heldur verði þær fangaðar og þeim fundið nýtt heimili/griðastaður.
d) Selur verður friðaður. Ekki verði heimilt að veiða sel innan borgarmarkanna. Markvisst skuli unnið að fræðslu og aðgerðum til verndunar á sel í samstarfi við Selastofnun Íslands og Húsadýragarðinn.

Greinagerð

1. Nýlegar tölur sýna að 40% borgarbúa eru gæludýraeigendur og eru hundaeigendur þá í stærsta hlutfalli. Eins og staðan er núna þá eru hundaeigendur í Reykjavík að greiða um 35 milljónir á ári í gjöld til borgarinnar. Því fé er ráðstafað til að halda úti 3 starfsmönnum og til að greiða þriðjung af laun­um fram­kvæmda­stjóra Heil­brigðis­eft­ir­lits Reykja­vík­ur sem er með 27 starfsmenn og er sú greiðsla því ekki í sam­ræmi við hlut­fall hunda­eft­ir­lits­ins af starf­semi stofn­un­ar­inn­ar. Lausa­göngu­hund­um sem til­kynnt­ir eru til hunda­eft­ir­lits­ins hef­ur á undanförnum árum fækkað gríðarlega, þó að hund­um sé að fjölga. Árið 2010 var hunda­eft­ir­litið að fanga 210 hunda á einu ári, en árið 2016 voru þeir komn­ir niður í 62. Ástæðan er sú að Hunda­sam­fé­lagið var stofnað á Face­book og í gegn­um þann hóp eru týndu hund­arn­ir að kom­ast aft­ur til síns heima. 521 týnd­ur hund­ur hef­ur verið aug­lýst­ur á Hunda­sam­fé­lag­inu það ár og er sá hópur smátt og smátt að taka yfir hlut­verk hunda­eft­ir­lits­manna. Hundaeigendur vilja annað hvort fella niður hundagjöldin eða fá einhverja þjónustu fyrir að greiða það á borð við hundagerði og svæði sem er vel við haldið og skemmtileg fyrir hunda.

2. Með því að samþykkja ketti sem hafa alla sína tíð búið utandyra sem villt dýr er gefið leyfi á félagasamtök sem vinna að því að hugsa um kettina, takmarka dreifingu þeirra með mannúðlegum leiðum (T-N-R til dæmis) og heimilar þeim að sleppa villtum dýrum aftur út í náttúruna ef ekki er hægt að venja dýrið við manninn. Villikettir hafa t.a.m. sinnt þessu um árabil og hafa gert samstarfssamning við Hafnafjarðarbæ með góðum árangri, við viljum að Reykjavíkurborg geri svipaðan samstarfssamning.

3. Dýrahjálp eru frjáls félagasamtök sem rekin eru af sjálfboðaliðum og hafa síðustu 10 ár tekið inn á fósturheimili og sinnt týndum og yfirgefnum dýrum svo og dýrum sem fjarlægð hafa verið af heimilum vegna vanrækslu eða illrar meðferðar. Þau kalla eftir samstarfi við sveitarfélögin og MAST, fjármögnum og betra samtali milli allra aðila vegna skorts á úrræðum og skýrum verkferlum sem miðast að heilsu og velferð dýra. Mikilvægt er að stofna dýraathvarf í samráði við þau samtök sem nú þegar vinna öflugt starf fyrir dýrin en skortir úrræði og fjármagn.
   4.
   a) Refir hafa verið veiddir í borgarlandinu til að vernda mófugl. Það er tegundahyggja sem er á vissan hátt hliðstæð við kynþáttahyggju og kynjamisrétti þegar við tökum hagsmuni einnar dýrategundar fram yfir aðra. Við leggjum til að refir verði friðaðir í borgarlandinu.
   b) 5305 mávar voru drepnir í Reykjavík árið 2017 samkvæmt ársskýrslu Meindýraeyðis.
   c) Kanínur eru friðaðar en meindýraeyðir fékk undantekningu og drap 70 kanínur í Reykjavík árið 2017.
   d) Landsel hefur fækkað gríðarlega á Íslandi síðan talningar hófust fyrst árið 1980 en þá taldist stofninn um 45 þúsund dýr en í dag einungis um 15 þúsund dýr. Við viljum friða sel og að hætt verði að sækja villta seli á Rauðasand til að halda í Húsdýragarðinum. Húsdýragarðurinn ætti þess í stað að sinna selum sem bjargað hefur verið við strendur Íslands, bæta aðstæður sela verulega í garðinum eða að öðrum kosti hætta að halda þá.