Tillaga um uppfærslu stefnumála

Píratar í Reykjavík álykta að:

Allar núverandi stefnur félagsins falli úr gildi. Borgarstjórnarhópi Pírata í Reykjavík sé falið að vinna og leggja fram opinberlega uppgjörsskýrslu þar sem farið er yfir allar stefnurnar lið fyrir lið og útlistað hvernig til tókst með þær á kjörtímabilinu. Í stefnumótunarstarfi fyrir næsta kjörtímabil verði tekið mið af því hvað af fyrri stefnumálum náðust að fullu og hver þarf að halda áfram með.

Greinargerð:

Töluvert af gildandi stefnumótun Pírata í Reykjavík hefur nú þegar náð fram að ganga, annað hvort að hluta eða heild. Því er mikilvægt að kortleggja hvað þarf að taka áfram inn í næsta kjörtímabil og snyrtilegast er að gera það með þeim hætti að skrifa stefnumótun upp á nýtt, þar sem það sem eftir stendur er flutt yfir en annað látið sitja eftir. Til að tryggja gagnsæi í þessu ferli er borgarstjórnarhópi Pírata falið að greina hvað hefur þegar náðst fram og hvað er eftir, og leggja fram skýrslu um það.