Samþykkt: Stefna um Leikskóla

Stefna Pírata í Borgarbyggð: Leikskólar

Með vísun í:
Lög um leikskóla, 2008 nr. 90 12. júní - http://www.althingi.is/lagas/144b/2008090.html

Reglugerð Menntamálaráðuneytis: http://www.reglugerd.is/reglugerdir/allar/nr/655-2009 um starfsumhverfi leikskóla.

Með tilliti til:

Grunnstefnu Pírata, Píratakóðans og Stjórnsýsla á sveitasjórnarstigi.

Álykta Píratar í Borgarbyggð að...

1. Öll börn eiga rétt á leikskólavist í sínu hverfi ef fjarlægð er ekki meiri en 20km í næsta leikskóla milli byggðarkjarna eins og þeir eru skilgreindir í aðalskipulagi Borgarbyggðar.

2. Ljóst er að kostnaður við uppbyggingu leikskóla er kostnaðarsöm og leita þarf stuðnings til Ríkissjóðs til uppbyggingar.

3. Gjaldskrá Borgarbyggðar er flókin og er Borgarbyggð ekki samkeppnishæf við önnur sveitafélög um leikskólagjöld. Gjaldskrá skal einfölduð með því takmarki að hver fjölskylda greiði ekki meira en 20.000 kr á mánuði árið 2019 - 2022 verði leikskóli gjaldfrjáls að fullu. Þó má skoða hvort ástæða sé til að innheimta hóflegt gjald fyrir hálft og fullt fæði.

4. Takmarkið er að allir leikskólar í Borgarbyggð skulu taka inn börn frá 12 mánaða aldri.

5. Sérstakur vinnuhópur innan sveitastjórnar verði settur á laggirnar til að ná þessum markmiðum og öðrum lausnum til úrbóta.

Rökstuðningur:

Sveitafélagið er ekki samkeppnishæft við nágrannasveitafélögin og höfuðborgina þegar það kemur að innheimtu gjalda vegna vistunar barna á leikskólum. Til að sporna við flótta úr sveitafélaginu þarf sveitastjórn að leggja niður gjaldtöku vegna leikskólavistunar.

Samþykkt með öllum greiddum atkvæðum á félagsfundi 1. desember 2015 og sett í umræðuferli í kosningakerfi Pírata í Borgarbyggð.