Alþingiskosningar 2017
Málsnúmer: | 4/2015 |
---|---|
Tillaga: | Alþingiskosningar 2017 |
Höfundur: | agust76 |
Í málaflokkum: | Alþingiskosningar |
Atkvæðagreiðslu lýkur: | 10/12/2015 12:16:43 (0 mínútur) |
Sérstakur ferill: | Samþykkt á samkomu |
Meirihlutaþröskuldur: | 50.00% |
Umræða
Þessu máli lauk fyrir nokkru síðan og er því krafist innskráningar til að sjá umræðu.
Ályktun Pírata í Borgarbyggð um kynningu frambjóðenda fyrir Alþingiskosningar 2017
Píratar í Borgarbyggð álykta að fela stjórn félagsins að undirbúa kynningarfund fyrir þá sem hafa áhuga á að bjóða sig fram í Norðvesturkjördæmi í nafni Pírata við næstu Alþingiskosningar. Skal samráð haft um skipulag fundarins við aðra hlutaðeigandi aðila, svo sem önnur aðildarfélög í kjördæminu, þingflokk Pírata og framkvæmdaráð.
Stefnt skal að því að fundurinn stuðli að því að veita áhugasömum um framboð innsýn í ferla bæði Pírata og landslaga hvað varðar Alþingiskosningar, auk þess að fara yfir framkvæmd kosningabaráttunnar 2013 og þannig hvers má vænta í baráttunni 2017.
Hafa skal í huga við skipulagningu fundarins að búast má við að frambjóðendur flokksins muni þurfa að leggja umtalsvert á sig, þ.á.m. í beinan kostnað, við kosningabaráttuna. Það er því ekki forgangsatriði að hámarka þátttöku í fundinum á kostnað ítarlegrar umfjöllunar.
Samþykkt með öllum greiddum atkvæðum á félagsfundi 1. desember 2015. Meirihluti félagsmanna sótti fundinn og telst ályktunin samþykt.