Tillaga: Pappírsprófkjör leyfilegt

Félagslög Pírata í Suðvesturkjördæmi breytast með eftirfarandi hætti:

Grein 8.3 hljóði svo:
> 8.3. Kosning um framboðslista skal standa yfir í að minnsta kosti 7 sólarhringa en þó aldrei lengur en 14 sólarhringa. Stjórn PíSuv ákveður hvort útprentaður kjörseðill og innsiglanlegt umslag verði sendur hverjum kjósanda eða hvort kosning fari fram á rafrænu kosningakerfi Pírata. Í fyrra tilvikinu skal kosning vera leynileg. Með kosningarétt skal fara eftir grein 7.4 og skal þeim félögum er kosningarétt hafa tilkynnt um upphaf slíkra framboðslistakosninga. Við framkvæmd kosninganna skal fara eftir lögum Pírata um framboðslistakosningar.
Grein 8.8 hljóði svo:
> 8.8. Atkvæðagreiðsla samkvæmt þessum kafla skal vera skrifleg og leynileg fari hún fram á félagsfundi. Ákvarðanir samkvæmt þessum kafla má eingöngu taka þegar tilgreint er í fundarboði um að tiltekin tillaga liggi fyrir. Frá því að niðurstaða félagsfundar samkvæmt þessum kafla liggur fyrir skal tilkynna hana, þar sem þess er krafist, innan tveggja sólarhringa frá því fundi var slitið. Framboðslistakosningar skulu hefjast innan tveggja mánaða frá því að félagsfundur ákvað að þær skyldu haldnar.

Enn er þetta einungis tillaga sem hefur ekki verið samþykkt með atkvæðagreiðslu.

#	Staða	Höfundur	Lýsing
1	Tillaga	b	Grein 8.3 Stjórn PíSuv leyft að halda bréfkosningu um framboðslista, svo kallað pappírsprófkjör, í stað rafræns prófkjörs. Grein 8.8 Rafræn atkvæðagreiðsla getur ekki og þarf ekki að vera leynileg, enda þyrfti nokkurra ára tækniþróun til að svo mikið sem gefa út stafræna, einnota kjörseðla án þess að rekja þá óvart. Í öllu falli þarf að treysta útgefanda kjörseðla eða atkvæðateljara, yfirleitt framkvæmdaráði Pírata, til að rekja ekki atkvæði viljandi til kjósanda. Því er rétt að árétta opinberlega að kosningaleynd í rafrænu prófkjöri er komin undir vandvirkni og heiðarleika atkvæðateljara. Ef vilji eða þörf er fyrir leynilega kosningu um framboðslista má stjórn halda pappírsprófkjör.