Með tilvísun til eftirfarandi greinar í grunnstefnu Pírata

• 6.3 Píratar telja að draga þurfi úr miðstýringu valds á öllum sviðum og efla þurfi beint lýðræði í þeim formum sem bjóðast.

Með hliðsjón af

• Ályktun Pírata að "Mögulegt verður að vera að sundurgreina tekjur ríkissjóðs og útgjöld eftir sveitarfélögum." úr stefnu um ríkissjóð og skattheimtu (https://x.piratar.is/issue/58/)
• Tekjuskatti og útsvari einstaklinga og fyrirtækja, þar sem einstaklingar greiða útsvar en ekki fyrirtæki.
  • https://www.rsk.is/einstaklingar/skattar-og-gjold/tekjuskattur-og-utsvar/
  • https://www.rsk.is/atvinnurekstur/skattar-og-gjold/tekjuskattur/

Álykta Píratar að

1. Ákveðið hlutfall skatta af rekstri og störfum fyrirtækja skulu í renna beint til þess sveitafélags þar sem starfsemi eða verslun fer fram.

Greinargerð

Dæmi:

• Af tekjuskatti fyrirtækja skal greiða útsvar til sveitafélaga þar sem viðkomandi fyrirtæki hefur tekjutengda starfsemi.
• Af virðisaukaskatti skal greiða útsvar til sveitarfélaga þar sem viðkomandi viðskipti (sala) eiga sér stað.

Markmiðið með þessari stefnu er að tekjur af starfsemi fyrirtækja í hverju sveitafélagi fyrir sig renni til sveitafélagsins í stað einungis til ríkisins. Byggðastyrkir, sem eru ákveðin tegund af fátækragildru, myndu að mestu leyti falla niður í staðinn. Það hvetur sveitafélagið til þess að halda uppi öflugu atvinnulífi sem sveitafélagið sjálft nýtur góðs af. Markmið stefnunnar er ekki að leggja auknar álögur á fyrirtæki heldur að útsvarið verði hluti af því hlutfalli sem fyrirtæki greiða nú þegar í tekjuskatt.