Samþykkt: Opnun fjármála stjórnmálaflokka

Með tilvísun í grunnstefnu Pírata

14 gr. grunnstefnu Pírata: Gagnsæi snýst um að opna hina valdameiri gagnvart eftirliti hinna valdaminni.
15 gr. grunnstefnu Pírata: Píratar telja gegnsæi eiga mikilvægan þátt í að almenningur sé upplýstur og þar af leiðandi hæfur til lýðræðislegrar ákvörðunartöku.
23 gr. grunnstefnu Pírata: Réttur er tryggður með styrkingu beins lýðræðis og eflingu gegnsærrar stjórnsýslu.

Með hliðsjón af

• Skýrslu Rannsóknarnefndar Alþingis frá 2010

Álykta Píratar að

1. Lögum um fjármál stjórnmálasamtaka skal breytt og þar bætt við ákvæðum um að skylt sé að upplýsa um öll lán sem á þeim hvíla. Þar skal að lágmarki koma fram upphæð láns, upplýsingar um lánveitenda og um lánakjör.
2. Setja skal sambærileg lög varðandi frambjóðendur til opinberrar stjórnsýslu og skulu þeir upplýsa um öll lán sem á þeim hvíla. Þar skal að lágmarki koma fram upphæð láns, upplýsingar um lánveitenda og um lánakjör.

Greinargerð

Vitað er til þess að stjórnmálaflokkar hafi á ýmsum tímum og í ýmsum löndum fengið stór lán með óskilgreindum endurgreiðsluskilyrðum, eða svokölluð "víkjandi lán" þar sem endurgreiðslukrafa fellur niður undir vissum kringumstæðum, í þeim tilgangi að komast hjá takmörkunum í lögum varðandi fjárframlög til stjórnmálasamtaka. Þetta myndi stemma stigu við því.