Forkönnun á innleiðingu skilyrðislausrar grunnframfærslu (borgaralaunum)

Með tilvísun til:

• Greinar §2.1 í grunnstefnu Pírata um eflingu og verndun borgararéttinda
• Greinar §2.2 í grunnstefnu Pírata um útvíkkun borgararéttinda
• Greinar §2.3 í grunnstefnu Pírata um vernd um núverandi réttinda.

Með hliðsjón af:

• Stefnu Pírata um Velferðar- og félagsmál
  [https://x.piratar.is/issue/41]
  “Að lögfesta lágmarksframfærsluviðmið. Allir eiga rétt á mannsæmandi tekjum í auðugu landi. Einfalda framfærslukerfið, þ.e.a.s. atvinnuleysisbóta, örorkubóta og önnur bótakerfi. Afnema ætti hugtakið 'bótakerfi'.”
• Stefnu Pírata um fjárhagslegan stuðning við námsmenn [https://x.piratar.is/issue/267]
  “Tryggja skal öllum skilyrðislausa grunnframfærslu á meðan á námi stendur.”
• Efnahagsstefnu pírata [https://x.piratar.is/issue/226]
  “Tryggja skal að löggjöf um hvers konar starfsemi; opinbera, einkarekna eða annars konar rekstrarform, innihaldi vernd hinna valdminni gegn misbeitingu hinna valdmeiri.”
• Stefnu Pírata um persónuafslátt
  [x.piratar.is/issue/205]
  “Til þess að einfalda skattkerfið og jafna réttindi skal greiða ónýttan persónuafslátt beint til allra 16 ára eða eldri.”
• Landbúnaðarstefnu pírata [https://x.piratar.is/issue/285]
  “Virkir bændur sem viðhafa viðurkenndar starfsaðferðir eiga rétt á grunnstuðningi. Grunnstuðningi er ætlað að tryggja afkomuöryggi bænda.”
• Stefnu Pírata um styttingu vinnutíma [https://x.piratar.is/issue/62]
  “Endurskoða skal löggjöf þannig að sveigjanlegur vinnutími sé ekki óheppilegri kostur fyrir starfsmenn en fastur vinnutími, hvorki hvað varðar kjör né réttindi.”

Álykta Píratar að:

1. Þingflokkur Pírata skuli leggja fram tillögu til þingsályktunar þess efnis að Alþingi feli viðeigandi ráðherrum að gera forkönnun á leiðum til að tryggja öllum borgurum skilyrðislausa grunnframfærslu með það að markmiði að styrkja borgaraleg réttindi einstaklinga á Íslandi.

2. Þingsályktunartillagan gangi út á að leita leiða til að tryggja öllum borgurum réttindi sem felast í skilyrðislausri grunnframfærslu.

3. Niðurstöður ofangreindrar forkönnunar verða nýttar til frekari stefnumótunar.

Greinargerð:

Samskonar þingsályktunartillögur voru lagðar fram á Alþingi árið 2015 og 2016. Síðustu tillöguna má nálgast hér: [http://www.althingi.is/altext/145/s/0454.html].
Gera má efnislegar athugasemdir við texta nýrrar þingsályktunartillögu með því að senda Halldóru Mogensen þingmanni nánari tillögur að textabreytingum og/eða endurbótum á halldoram@althingi.is fyrir 18. mars 2017.