Samþykkt: Skuldamál heimila og fyrirtækja

Með tilvísan í:Grunnstefnu Pírata númer:- 2.1 Píratar beita sér fyrir eflingu og verndun borgararéttinda.- 2.3 Standa þarf vörð um núverandi réttindi og gæta þess að þau séu ekki skert.- 2.4 Píratar telja að borgararéttindi tilheyri einstaklingum, og að réttur hvers og eins sé jafn sterkur.
Með hliðsjón af:
I. Dómi Hæstaréttar frá 16. september 2010 (mál nr. 471/2010) sem segir gengistryggð lán ólögleg.
II. Lög um samningsgerð, umboð og ógilda löggerninga 1936 nr. 7, sem segja að lántakandinn skuli njóta vafans.
Álykta Píratar:
1. Framfylgja skal dómum og lögum sem tryggja hagsmuni lántakenda. Píratar munu styðja lántakendur í að sækja rétt sinn.2. Lyklalög skulu heimila lántakendum að gera upp húsnæðislán með því að afsala sér fasteigninni til bankans. Slík leið skal vera opin fyrir lántakendur sem kjósa að fá forsendubrest hrunsins leiðréttan hratt og örugglega.3. Málsóknir eru réttlát leið fyrir lántakendur sem vilja fá lán sín lækkuð lögum samkvæmt og skulu vera öllum opin óháð efnahag.4. Venjulegt fólk skal ekki gert gjaldþrota vegna bankahruns sem lánveitandi þeirra orsakaði.

Tillaga þessi hefur verið samþykkt með atkvæðagreiðslu.
Tilheyrandi mál:Skuldamál heimila og fyrirtækja

Útgáfur

# Staða Höfundur Lýsing
1 Samþykkt odin

2 Tillaga gpk

Laga formatting ...
3 Tillaga jonas

  1. Það vantar inn lið 2.2 eða það þyrfti að laga númerin í grunnstefnunni.

  2. Mér finnst liður 4 í ályktuninni frekar tilfinningaþrunginn og opinn. Hvað flokkast sem "venjulegt fólk" og þó við teljum okkur vita hvernig fjármálagerningar fóru fram og hverjir aðalleikararnir voru, þá er lítið sannað, dæmt eða til á pappír. Olli íbúðarlánasjóður hruninu? Hafa ekki margir lántakendur þar þurft að fara í gjaldþrot? Tilllaga mín er semsagt að sleppa þessum lið.
4 Tillaga Skizzo

Er sammála Jonas í varðandi lið 2.4 (sem á í raun að vera 2.3)
Liðurinn er illa orðaður og víðtækur í lagalegu samhengi. Annars lítur þetta vel út.
5 Tillaga peturgk

Ég er einnig sammála Jónasi, að öðru leiti finnst mér þetta einföld og góð lausn.
6 Tillaga siggae

sammála jonasi með lið 2.4. annars ánægð með þetta
7 Tillaga jonarnarr

Er ekki einfaldast að fella niður orðið"Venjulegt"? Þannig verður liður 4. Fólk skal ekki gert gjaldþrota vegna bankahruns sem lánveitandi þeirra orsakaði.