Tillaga: Afnám hnefaleikabanns og keppni í bardagaíþróttum

Með tilvísan í:

Grunnstefnu Pírata númer:

• 2.1 Píratar beita sér fyrir eflingu og verndun borgararéttinda.

• 2.4 Píratar telja að borgararéttindi tilheyri einstaklingum, og að réttur hvers og eins sé jafn sterkur.

• 3.3 Til friðhelgi telur réttur til leyndar, nafnleysis, og sjálfsákvörðunarréttar

• 6.1 Píratar telja að allir hafi rétt til að koma að ákvarðanatöku um málefni sem varða þá.

Með hliðsjón af:

• I. Íþróttalög nr. 64/1998

http://www.althingi.is/lagas/137/1998064.html

• II. Jafnræðisreglu stjórnarskrárinnar (65. gr.)

• III. Atvinnufrelsisákvæði stjórnarskrárinnar (75. gr.)

• IV. Lög um að banna hnefaleika 92/1956

http://www.althingi.is/lagas/140b/1956092.html

• V. Reglur Hnefaleikanefndar ÍSÍ (HNÍ) og keppnisreglur.

http://isitosc.sidan.is/content/files/public/skjol/Verkefni/Hnefaleikanefnd/HNI%20reglur.pdf

• VI. Sænsk lög frá 2006:1006 um leyfi fyrir keppnishaldi í tilteknum bardagaíþróttum.

http://www.notisum.se/rnp/sls/lag/20061006.HTM

• VII . Leyfi sænska bardagaíþróttasambandsins til MMA sambands Svíþjóðar og keppnisreglur.

http://www.smmaf.se/UserFiles/Files/Beslut_216-05802-2010.pdf

Álykta Píratar:

1. Að öllum er í sjálfsvald sett hvort þeir stunda, keppa eða sýna hnefaleika og aðrar bardagaíþróttir, hvort heldur er í atvinnu- eða áhugaskyni.

2. Hafa skal samráð við þau íþróttafélög sem málið varðar um útfærslu á nýum lögum og/eða breytingum á gildandi lögum; sem og reglum sem tryggja öryggi í keppni og ábyrga iðkun íþróttanna.

3. Sérstakt aðgát og eftirlit skal hafa með að höfuðhögg séu ekki leyfð nema með hjálm, svipað og er gert í ólympískum hnefaleikum.