Lagabreyting PÍR

Lagt er til að flestir kaflar séu endurnefndir og í einhverjum tilfellum að þeir séu færðir til. Lagt er til að kaflinn Ágreiningur sé feldur brott og ákvæði hans færð undir kaflann Lög og stefnur. Lagt er til að kaflinn Innkoma og rekstraratriði sé feldur brott í heild sinni enda er ekkert í honum sem er ekki kveðið á um í landslögum, augljósar rekstrar- og bókhaldsvenjur eða ekki kemur nú þegar fram í lögum Pírata og er bindandi fyrir aðildarfélög.

Fyrsti kafli: Heiti félagsins → Heiti og staður

Lagt er til að fyrstu greininni sé skipt í tvær greinar.

Lagt er til að grein um skammstöfun (PíR) sé bætt við. Finna má sambærilega grein í lögum Pírata en hún er þó að venju eingöngu notuð í alþjóðlegu samhengi.

Lagt er til að hluti úr fyrstu grein annars kafla, varðandi starfssvæði, sé fluttur í aðra grein þessa kafla.

Annar kafli: Hlutverk félagsins → Hlutverk og eðli

Lagt er til að hluti úr fyrstu grein þessa kafla, varðandi starfssvæði, sé fluttur í aðra grein fyrsta kafla.

Lagt er til að annarri greininni sé skipt í tvær greinar.

Þriðji kafli: Aðild að félaginu → Félagsmenn

Lagt er til að aldurstakmarkið sé samræmt við aldurstakmark móðurfélagsins. Það er óvíst að aðildarfélag geti haft þrengri kröfur en móðurfélagið þar sem félagatalið er alfarið á höndum móðurfélagsins og hingað til hefur ekki verið gert ráð fyrir því að kröfur aðildarfélaga séu önnur í útfærslu skráningu félagsmanna. Einnig er óvíst að aðildarfélag geti haft rýmri kröfur en móðurfélagið þar sem það myndi brjóta ákvæði móðurfélagsins sem krefur á um að félagi í aðildarfélagi sé ávallt félagi í móðurfélaginu.

Lagt er til að fjarlægð sé önnur grein sem segir að félagi í félaginu sé sjálfkrafa félagi í móðurfélaginu. Þetta liggur í hlutarins eðli og kemur fram í lögum móðurfélagsins. Í staðinn er hins vegar sett grein um að félagsaðild skuli ekki takmarkast við greiðslu félagsgjalda. Þetta hefur verið óskrifuð regla hjá Pírötum frá upphafi og er þess virði að taka fram í lögum félagsins.

Fjórði kafli: Stjórn félagsins → Félagsstjórn

Ekki eru lagðar til neinar breytingar á þessum kafla umfram þær að „stjórn félagsins“ verði „félagsstjórn“ og varamönnum í kjörnum embættum gert kleif stjórnarseta. Er þetta lagt fram til þess að takast á mögulegum mönnunarvanda.

Fimmti kafli: Félagsfundur → Félagsfundir

Lagt er til að efni kaflans sé í fullu samræmi við endurskoðuð ákvæði í lögum Pírata. Bent er á að samkvæmt núverandi lögum (gr. 7.2) hafa allir fundargestir tillögufrelsi, málfrelsi og atkvæðarétt óháð því hvort þeir séu meðlimir í aðildarfélaginu eða móðurfélaginu. Þetta þarf að teljast undarlegt.

Sjötti kafli: Aðalfundur

Lagt er til að efni kaflans sé í fullu samræmi við endurskoðuð ákvæði í lögum Pírata að undanskildu ákvæði þess efnis að félagsstjórn skuli kosin annað hvert ár í stað hvert ár. Er þetta talið nauðsynlegt til að byggja upp stofnanaþekkingu og halda reynslu innan félagsins til lengri tíma.

Sjöundi kafli: Lög, stefnumál og atkvæðagreiðslur → Lög og stefnur

Lagt er til að fyrsta grein þessa kafla, varðandi starfshæfni félagsins, sé flutt í kaflann um félagsslit.

Lagt er til að efni kaflans sé í fullu samræmi við endurskoðuð ákvæði í lögum Pírata. Birtingarfrestur er þó styttur í viku í stað tveggja.

Lagt er til að efni kaflans Ágreiningur séu færð í þennan kafla.

Áttundi kafli: Framboð

Lagt er til að félagsstjórn skipi verkefnisstjóra sem ber ábyrgð á móttöku framboða til framboðslistakosninga. Núgildandi lög kveða á um að tveir umboðsmenn skuli bera þessa ábyrgð en það þykir óraunhæft og óhagkvæmt að leggja svo mikið verk á herðar sjálfboðaliða.

Níundi kafli: Slit félagsins → Félagsslit

Lagt er til að fyrsta grein kaflans um lög og stefnur, varðandi starfshæfni félagsins, sé flutt í þennan kafla.

Tillögu þessari hefur verið hafnað með atkvæðagreiðslu.
Tilheyrandi mál:Lagabreyting PÍR

Útgáfur

# Staða Höfundur Lýsing
1 Hafnað Kristin

Formáli

Á fundi félagsstjórnar Pírata í Reykjavík þann 9. janúar 2023 var mér falið að taka lög Pírata í Reykjavík til
endurskoðunar. Til stóð að boða til aukaaðalfundar 16. febrúar næstkomandi til þess að skipa í eitt laust sæti í
félagsstjórn ásamt í sæti varamanna sem voru öll laus. Einnig stóð til að nýta aukaalfundinn til að koma í gegn
breytingum á lögum Pírata í Reykjavík skyldi félagsstjórn ákveða að leggja þær fram til samþykktar. Ekkert varð
þó að áætluðum aukaaðalfundi og verður því skýrslan lögð fram fyrir aðalfund Pírata í Reykjavík árið 2023.

Á fyrrnefndum fundi félagsstjórnar kom fram að sérstök ástæða væri til að endurskoða grein 7.5 sem
segir: „Félagsfundi má eingöngu halda á starfssvæði félagsins nema brýn nauðsyn krefjist að félagsfundur fari
fram utan þess“. Er þetta ákvæði talið úrelt þar sem félagsfundir eru oft haldnir í netheimum þar sem fundarmenn
eru staðsettir heima hjá sér eða jafnvel í öðrum heimshlutum. Einnig kom fram í samskiptum félagsstjórnar á
verkefnastjórnunarvettvangnum Asana að tilefni væri til að endurskoða grein 8.5. sem segir: „Skipa skal tvo
umboðsmenn fyrir framboðslista. Umboðsmenn bera ábyrgð á móttöku framboða til framboðslistakosninga. Að
framboðslistakosningu lokinni bera umboðsmenn ábyrgð á að skila framboðsgögnum til kjörstjórnar“. Þetta
fyrirkomulag hefur verið talið óraunhæft þar sem um mikla vinnu er að ræða og tilefni til að ráða verkefnisstjóra
til að sinna því.

Í kjölfar þess að hafa skipulagt allt skjalasafn Pírata á GitHub að beiðni framkvæmdastjóra Pírata árið
2020 fól hann mér ári síðar að skipuleggja lagasafn Pírata og aðildarfélaga á GitHub ásamt því að endurhanna
Jekyll-keyrðan framenda á log.piratar.is. Af þeim sökum hef ég í gegnum árin varið mörgum klukkustundum í
lestur og greiningu á lögum Pírata og aðildarfélaga og innri stefnum.

Markmiðið sem ég setti mér við endurskoðun laganna var fyrst og fremst að einfalda þau og stytta frekar
en að koma með einhver nýmæli. Þegar lög Pírata í Reykjavík voru fyrst samþykkt voru þau í raun afrit af lögum
Pírata með nokkrum viðbótum sem snúa að eðli félagsins sem aðildarfélag. Síðan þá hefur margt breyst í rekstri
samstæðunnar og lög Pírata hafa farið í gegnum allsherjarendurskoðun, nú síðast í fyrri hluta árs 2020.
Einföldun og stytting laganna fólst aðallega í því að fjarlægja ákvæði í lögunum sem hafa ekkert sjálfstætt
gildi. Það eru ákvæði sem annað hvort má finna í landslögum og er því ekki hægt að breyta án þess að fara á sveig
við landslög og ákvæði sem má finna í lögum Pírata, móðurfélags Pírata í Reykjavík, og binda því hendur
aðildarfélaga. Í sumum tilfellum kann að vera viðeigandi að vísa í greinar laga Pírata, frekar en að taka þær upp í
lögum Pírata í Reykjavík í heild sinni.

Með þessari skýrslu fylgja núverandi lög Pírata í Reykjavík og breytingatillaga sem ég legg fram að
lokinni endurskoðun.

12. október 2023.
Stefán Örvar Sigmundsson (ritari).