Stefna um barna- og ungmennalýðræði

Með tilvísun í

• Grunnstefnu Pírata:

** 2.4 Píratar telja að borgararéttindi tilheyri einstaklingum, og að réttur hvers og eins sé jafn sterkur.

Með hliðsjón af

Barnasáttmála Sameinuðu Þjóðanna. 1. mgr. 12. gr:

Aðildarríki skulu tryggja barni sem myndað getur eigin skoðanir rétt til að láta þær frjálslega í ljós í öllum málum sem það varða, og skal tekið réttmætt tillit til skoðana þess í samræmi við aldur þess og þroska.

Nálægðarreglu.

Álykta Píratar svo

• Kosningaaldur verði lækkaður í 16 ár.

• Auka verður lýðræðisþátttöku barna og ungmenna.

• Í því tilliti verði gerð áætlun sem miðar að því að þrepaskipta lýðræðisþátttöku barna samhliða námi, þar sem börnin byrja á lýðræðisþátttöku í nærumhverfi sínu og fái sífellt aukin tækifæri til þátttöku þar til þau fá kosningarétt.