Samþykkt: Tillögur af Betra Ísland

Með tilvísan í grunnstefnu Pírata:

• 6.1 Píratar telja að allir hafi rétt til að koma að ákvarðanatöku um málefni sem varða þá.

• 6.2 Réttur er tryggður með styrkingu beins lýðræðis og eflingu gegnsærrar stjórnsýslu.

• 6.3 Píratar telja að draga þurfi úr miðstýringu valds á öllum sviðum og efla þurfi beint lýðræði í þeim formum sem bjóðast.

og með hliðsjón af:

1. Því að núverandi þingmenn Pírata sammæltustu og gáfu út loforð fyrir kosningarnar vorið 2013 að leggja fram þingmál almennings af vefnum betraisland.is.

2. Stefnu Pírata um Stjórnskipunarlög sem segir að: "Samþykkja skal frumvarp til stjórnskipunarlaga sem er samhljóða frumvarpi Stjórnlagaráðs í öllum efnisatriðum."

3. Í tillögum Stjórnlagaráðs segir: "66. gr. Þingmál að frumkvæði kjósenda. Tveir af hundraði kjósenda geta lagt fram þingmál á Alþingi."

4. Þingmál eru samkvæmt þingsköpum eftirfarandi: Lagafrumvörp, þingsálytkunartillögur, beiðnir um skýrslur og álit, og fyrirspurnir.

álykta Píratar hér með:

1. að það sé vilji Pírata að þingmenn flokksins leggi fram þingmál af betraisland.is sem uppfylla eftirfarandi skilyrði:

   a. Fyrirspurn sem flestir styðja í byrjun hvers mánaðar, og hefur að lágmarki 100 stuðningsmenn.

   b. Beiðni um skýrslur sem flestir styðja í byrjun hvers haust-, vetrar- og vorþings ár hvert, og hefur að lágmarki 500 stuðningsmenn.

   c. Þingsályktunartillögu sem flestir styðja í byrjun hvers haust- og vetrarþings, og hefur að lágmarki 1000 stuðningsmenn.

   d. Lagafrumvörp sem flestir styðja í byrjun hvers haustþings, og hefur að lágmarki stuðning fjölda sem samsvarar 2% kjósenda.

2. Hafi ekkert mál náð lágmarksfjölda stuðningsmann fyrir byrjun uppgefinna tímabila gildir sú regla að það mál sem fyrst nær lágmarksfjölda sé tekið fyrir það tímabil.