Ríkissjóður og skattheimta

Tillaga þessi hefur verið samþykkt með atkvæðagreiðslu.

Lagt er til að gera skattheimtu, fjárlagagerð og útgjöld ríkissjóðs gagnsærri. Einnig er lagt til að aðkoma almennings að fjárlagagerð sé aukin verulega.

Málsnúmer: 23/2013
Tillaga:Ríkissjóður og skattheimta
Höfundur:odin
Í málaflokkum:Fjárlög, ríkisfjármál og opinber innkaup
Upphafstími:05/03/2013 17:21:16
Atkvæðagreiðsla hefst:17/03/2013 17:21:16 (0 mínútur)
Atkvæðagreiðslu lýkur:23/03/2013 17:21:16 (0 mínútur)
Atkvæði: 18
Já: 18 (100.00%)
Nei: 0
Niðurstaða:Samþykkt
Meirihlutaþröskuldur:50.00%

Umræða

Þessu máli lauk fyrir nokkru síðan og er því krafist innskráningar til að sjá umræðu.

Með tilvísun til

  • greina 4.3 og 4.4 í grunnstefnu Pírata um aðgengi að upplýsingum,

    1. kafla grunnstefnu Pírata um beint lýðræði og sjálfsákvörðunarrétt

  • og 3. greinar í stefnu Pírata um gerð hagkerfisins;

og með hliðsjón af

  1. takmörkuðu aðgengi að vandlega sundurgreinanlegum upplýsingum um tekjur og útgjöld ríkissjóðs

  2. og nær algjörum skorti á aðkomu almennings að fjárlagagerð

álykta Píratar eftirfarandi:

  1. Bókhald ríkissjóðs og ríkisstofnana skal gert aðgengilegt á tölvutæku formi að því marki sem sjónarmið persónuverndar leyfa.

  2. Mögulegt verður að vera að sundurgreina tekjur ríkissjóðs og útgjöld eftir sveitarfélögum.

  3. Stefnt skal að því að tekjur ríkissjóðs og útgjöld hans séu í samræmi í hverju sveitarfélagi.

  4. Skylda skal fjármálaráðuneyti til að útbúa sérstakan og skýran farveg fyrir athugasemdir frá almenningi varðandi fjárlög sem skal vera virkur á öllum stigum málsins.

  5. Við alla álagningu skatta skal áhersla lögð á að skatturinn sé sýnilegur og skiljanlegur greiðanda.