Heilbrigðisþjónusta í heimabyggð

Heilbrigðisþjónusta í heimabyggð

Í anda grunnstefnu Pírata varðandi eflingu og verndun borgararéttinda með áherslu á að fólki sé tryggður sjálfsákvörðunarréttur og heilbrigði til að taka eigin ákvarðanir.

Píratar á Suðurnesjum ætla að koma heilbrigðisþjónustu í betra horf. Í því felst meðal annars eftirfarandi:

1. Við viljum skoða yfirtöku sveitarfélaga á Suðurnesjum á rekstri heilsugæslu og sjúkrahúss við Heilbrigðisstofnun Suðurnesja til að tryggja eðlilegt aðgengi heimamanna.

2. Við viljum efla bráðamóttöku, fæðingastofur, skurðstofur og nýta aðstöðu á Heilbrigðisstofnun Suðurnesja fyrir íbúa á Suðurnesjum og aðra sem þarfnast aðstoðar.

3. Við viljum efla atvinnuuppbyggingu tengda Heilbrigðisstofnun Suðurnesja og fjölga fagstörfum til að minnka álag á starfsfólk.

4. Við viljum að sveitarfélögin auki og efli hjúkrunar og meðferðarúrræði sem hluta af þjónustu við íbúa á Suðurnesjum.

5. Við viljum bæta félagsþjónustu og fjölga sálfræðingum á vegum sveitarfélaga ásamt því að auðvelda aðgengi að þeim.

6. Við viljum viðhalda Björginni í Reykjanesbæ og efla sambærileg verkefni í öðrum sveitarfélögum fyrir alla þá sem eiga við örðugleika að etja.

Umræða:

Koma þarf aftur upp öflugri heilsugæslu í heimabyggð fyrir öll sveitarfélögum á Suðurnesjum. Sjúkrahúsið í Reykjanesbæ hefur ekki verið fullnýtt um árabil á meðan biðlistar eftir aðgerðum og meðferðum lengjast. Gott væri að fá umræðu um þetta og kynnast betur staðreyndum og möguleikum.

Stórauka þarf aðgengi að félags- og sálfræðiþjónustu þar sem margt í nútímasamfélagi veldur streitu og kallar á slíkar meðferðir. Efla skal Björgina þarf að fá meira fjármagn í forvarnir og meðferð. Geðteymi HSS þarf einnig að efla. Gott væri að gera útreikninga og úttekt á arðbærni ókeypis sálfræðiþjónustu og meta síðan hvort stefna þurfi að slíku.