Erindisbréf Pírata til umboðsmanns vegna stjórnarmyndunar 2021
| Málsnúmer: | 36/2021 |
|---|---|
| Tillaga: | Erindisbréf Pírata til umboðsmanns vegna stjórnarmyndunar 2021 |
| Höfundur: | Gormur |
| Í málaflokkum: | Innra skipulag Pírata |
| Upphafstími: | 28/07/2021 13:44:05 |
| Umræðum lýkur: | 11/08/2021 14:00:00 (0 minutes) |
| Atkvæðagreiðsla hefst: | 04/08/2021 14:00:00 (0 minutes) |
| Atkvæðagreiðslu lýkur: | 11/08/2021 14:00:00 (0 minutes) |
| Atkvæði: | 37 |
| Já: | 36 (97,30%) |
| Nei: | 1 |
| Niðurstaða: | Samþykkt |
| Meirihlutaþröskuldur: | 50,00% |
Umræða
Þessu máli lauk fyrir nokkru síðan og er því krafist innskráningar til að sjá umræðu.
Erindisbréf þetta er útgefið samkvæmt ákvæðum 10. kafla laga Pírata á Íslandi. Við samþykkt þess öðlast
Halldóra Mogensen
umboð Pírata til að semja við forsvarsmenn annarra stjórnmálaflokka um myndun ríkisstjórnar. Umboðið gildir um allar viðræður, formlegar og óformlegar. Umboðsmaður skal sjálfur tilnefna varamann í kjölfar samþykktar erindisbréfs.
Umboðsmaður skal hafa frjálsar hendur um val viðmælenda sinna hjá öðrum stjórnmálaflokkum. Honum er heimilt að semja um skilyrði fyrir stjórnarsamstarfi við aðra flokka og stilla upp drögum að stjórnarsamkomulagi. Umboðsmaður skal þó ávallt hafa samþykkta kosningastefnu Pírata til grundvallar og þann fyrirvara gagnvart viðsemjendum að gildi samkomulags sé háð stuðningi þingflokks og hljóti aðeins gildi við staðfestingu grasrótar flokksins í atkvæðagreiðslu.
Umboðsmaður skal tryggja reglulegt samráð við þingflokk Pírata um gang viðræðna. Með hliðsjón af þeim trúnaði sem ríkir um stjórnarmyndunarviðræður skal umboðsmaður aðeins upplýsa almenna félagsmenn um gang viðræðna meti hann það rétt, nauðsynlegt og í samræmi við skuldbindingar umboðsmanns um trúnað.
Erindsbréf þetta er gefið út á félagsfundi Pírata þann 27. júlí 2021. Erindisbréfið tekur gildi að lokinni samþykkt þess í atkvæðagreiðslu meðal Pírata, samþykkt meirihluta framkvæmdastjórnar Pírata og samþykkt meirihlutar þingflokks Pírata.
Erindisbréfið gildir þar til ný ríkisstjórn hefur tekið til starfa að afloknum alþingiskosningum 25. september 2021, en þó ekki lengur en til 31. maí 2022.