Samkeppnismál

Tillaga þessi hefur verið samþykkt með atkvæðagreiðslu.

Lagt er til að aðgerðir gegn markaðssamþjöppun séu sniðnar til þess að vernda sjálfsákvörðunarrétt einstaklingsins.

Málsnúmer: 24/2013
Tillaga:Samkeppnismál
Höfundur:odin
Í málaflokkum:Efnahagur og opinber tölfræði
Upphafstími:05/03/2013 17:26:48
Atkvæðagreiðsla hefst:17/03/2013 17:26:48 (0 minutes)
Atkvæðagreiðslu lýkur:23/03/2013 17:26:48 (0 minutes)
Atkvæði: 13
Já: 13 (100,00%)
Nei: 0
Niðurstaða:Samþykkt
Meirihlutaþröskuldur:50,00%

Umræða

Þessu máli lauk fyrir nokkru síðan og er því krafist innskráningar til að sjá umræðu.

Með tilvísun til

  • greinar 2.4 í grunnstefnu Pírata um jöfn réttindi,

  • greinar 6.1 í grunnstefnu Pírata um ákvarðanatökurétt hvers og eins,

  • greinar 6.3 í grunnstefnu Pírata um að dregið skuli úr miðstýringu

  • og greinar 4 í stefnu Pírata um gerð hagkerfisins

og með hliðsjón af

  1. þeirri skerðingu sem verður á möguleikum einstaklinga til að taka ákvarðanir á samþjöppuðum markaði

  2. og vissri sérstöðu dreifingar og þjónustustarfsemi

álykta Píratar eftirfarandi:

  1. Gera skal ráðstafanir til að draga úr samþjöppun á markaði sem er líkleg til að skerða möguleika kaupenda á að velja milli vörutegunda eða þjónustuveitenda.

  2. Gera skal ráðstafanir til að tryggja getu nýrra aðila til að taka þátt í markaði.

  3. Sérstaklega skal tryggt að ekki sé unnt að nýta tryggingar eða niðurgreiðslur frá ríkinu til að skapa sér hagstæða markaðsaðstöðu á sviði sem ekki tengist umræddri tryggingu eða greiðslum beint.