Tillaga að stefnu Pírata varðandi umhverfis, auðlinda og orkumál

Með tilvísun til

• grunnstefnu Pírata um gagnrýna hugsun og upplýsta stefnu

• grunnstefnu Pírata um gagnsæi sem forsendu upplýstra ákvarðana almennings

• grunnstefnu Pírata um að draga beri úr miðstýringu valds á flestum sviðum

• ályktunar Pírata um gerð hagkerfisins

• ályktunar Pírata um landbúnað

og með hliðsjón af

• Meginreglum umhverfisréttar:

• Varúðarreglu: Þegar hætta er á alvarlegum eða óafturkræfum áhrifum á umhverfi og náttúruauðlindir skal skorti á vísindalegri fullvissu ekki beitt sem rökum til að fresta kostnaðarhagkvæmum aðgerðum sem geta komið í veg fyrir áhrifin eða dregið úr þeim.

• Greiðslureglu: Í því skyni að tekið sé tillit til umhverfiskostnaðar skal beita hagrænum stjórntækjum í samræmi við meginregluna um að sá sem mengar beri að jafnaði þann kostnað sem hlýst af því að koma í veg fyrir eða draga úr áhrifum vegna mengunar.

• 33. gr. Frumvarps stjórnlagaráðs til stjórnskipunarlaga um náttúru Íslands og umhverfi. http://stjornlagarad.is/starfid/frumvarp/grein/item35319/
• 34. gr. Frumvarps stjórnlagaráðs til stjórnskipunarlaga um náttúruauðlindir. http://stjornlagarad.is/starfid/frumvarp/grein/item35320/
• 35. gr. Frumvarps stjórnlagaráðs til stjórnskipunarlaga um upplýsingar um umhverfi og málsaðild. http://stjornlagarad.is/starfid/frumvarp/grein/item35321/

• Áherslu pírata á smáar rekstrareiningar í atvinnulífinu fremur en alþjóðleg stórfyrirtæki.

• Þeirri staðreynd að mikill meirihluti orkuvinnslu á Íslandi er til þess að knýja álvinnslu.

• Þeirri staðreynd að nýtt álver við Helguvík krefst umfangsmikilla jarðvarmavirkjanna um allan Reykjanesskaga sem vafi er um að geti talist sjálfbær nýting jarðhitans á svæðinu.

• Reynslunni af rekstri jarðvarmavirkjanna í nágrenni höfuðborgarsvæðisins og loftmengunar.

• Samróma áliti vísindaheimsins um veruleika loftslagsbreytinga sem birtist m.a. í skýrslum IPCC og fleiri aðila og sem bendir til þess að loftlagsbreytingar verði óafturkræfar ef ekki verður þegar í stað gripið til aðgerða sem minnka losun gróðurhúsalofttegunda. (skoða þetta betur, útfrá stærra samhengi)

• Alþjóðlegum skuldbindingum Íslands um vernd votlendissvæða samkvæmt Ramsar-samningi.

• Alþjóðlegum skuldbindingum Íslands sem snúa að losun gróðurhúsalofttegunda.

Álykta Píratar eftirfarandi:

Almenn umhverfisstefna

• Framfylgja skal megin gildum sjálfbærrar þróunar. Sjálfbær þróun mætir þörfum samtímans án þess að draga úr möguleikum komandi kynslóða til að mæta þörfum sínum. Í þessu felst að sókn eftir efnahagslegum gæðum verður að haldast í hendur við vernd umhverfisins og grunngæða jarðar.

• Stjórnvöld skulu byggja á varúðarreglunni og greiðslureglunni við allar ákvarðanir sem varða náttúru Íslands.

• Tryggja skal upplýsingarétt almennings um umhverfismál, gagnsæi í allri stjórnsýslu umhverfismála og aðild almennings að ákvarðanatöku sem varðar umhverfi og náttúru.

• Auðlindir í náttúru Íslands, sem ekki eru í einkaeigu, eru sameiginleg og ævarandi eign þjóðarinnar. Enginn getur fengið auðlindirnar, eða réttindi tengd þeim, til eignar eða varanlegra afnota og aldrei má selja þær eða veðsetja.

• Almannaréttur skal verndaður. Ekki má leggja hömlur á för manna, svo lengi sem viðkvæm vistkerfi verða ekki fyrir röskun.